Einföld hvítbaunasúpa frá heilsukokkur.is

Auður Ingibjörg Konráðsdóttir er lærður kokkur og hefur gefið út þrjár vegan matreiðslubækur.  Við eigum bókina hennar Heilsusúpur og salöt og allt sem  við höfum smakkað þar er ljúffengt  eins og  við má búast. Uppáhaldið mitt er þessi einfalda, fljótlega  súpa. Ég set stundum lúku af fiðrildapasta útí til að gera hana matmeiri. Skoðið endilega  síðuna www.heilsukokkur.is.  Uppskriftina má finna hér. Og hér neðar…. smellið á lesa meira.

Lesa meira

Auglýsingar

Hamborgarar í flýti

IMG_0147IMG_0137

Ég á þessa hamborgaraþrenningu alltaf í skápnum, ef ég skyldi þurfa að draga fram fljótlega máltíð. Svartbaunir, grófmalað haframjöl og hamborgarakrydd. Hamborgarabrauð geymast líka ágætlega í frysti í stuttan tíma. Mér finnst grófa hamborgarabrauðið frá Bónus gott en lífskornabollurnar frá Myllunni eru í uppáhaldi. Tómatar, gúrkur og tahini eru einnig alltaf til heima svo það er alger óþarfi að hætta sér útí vonda veðrið að versla í matinn fyrir kvöldið. Lesa meira

Hummus

IMG_0274
Ég nota hummus á allt. Á brauð, hrökkbrauð og flatkökur.  Útá salat, í pítubrauð, í samlokur, í burritos vefjur og bara allt sem mér dettur í hug. Stundum nota ég krukku af hummus sem hádegismat eða snarl. Þá sker ég grænmeti í ræmur og nota hummusinn eins og dýfu. Ýmsar uppskriftir eru í gangi á netinu. Grunnurinn eru kjúklingabaunir og tahini sesamsmjör. Svo má bæta útí þvi sem þér líkar best. Sítrónusafa, hvítlauk, og eitthvað gott krydd eins og cumin, kóriander, paprikuduft eða jafnvel turmerik. Hér er sú uppskrift sem ég nota mest. Lesa meira

Holl og fljótleg sveppasósa

IMG_0370 Þið kannist eflaust við ylminn sem leikur um húsið þegar verið er að útbúa hefðbundinn veislumat. Um leið og þú tekur af þér jakkann og gengur inn veistu hvað er í vændum, veisla! Nú ætla ég að deila með þér leyndarmáli. Ylmurinn er ekki af kjötinu. Hann er af steiktum lauk, sveppum, kryddjurtum og bökuðum kartöflum. Nú þegar þú veist þetta, geturðu poppað upp veislu í kringum hvaða grænmetismat sem er. Fyrsta mál á dagskrá, læra að gera góða sveppasósu. Hér kemur hún… Lesa meira

Dökk súkkulaðisúpa

IMG_0336Fyrir þá sem elska dökkt súkkulaði : )

1 lúka spínat (mér finnst gott að frysta ferskt spínat)
2 bananar
1 dl frosin íslensk bláber (og nokkur jarðarber ef vill)
3 dl möndlumjólk
1 tsk vanilluduft
2-3 tsk lífrænt kakóduft frá Green & Black’s
Pistasíur eða hempfræ til skrauts ef vill

Setjið allt í blandara. Bætið við kakói til að dekkja eða meiri bláberjum ef þið viljið fá djúpan fjólubláan lit.

Sushi

sushibetriÞað tekur smá tíma að útbúa sushi en er í rauninni sáraeinfalt. Það má nota vörur úr sushihillunni í Bónus eða Krónunni og fylgja leiðbeiningunum. Fyllingin getur verið bökuð sæt kartafla, gúrka, vorlaukur eða avocado.

Lesa meira

Fljótleg ávaxtajógúrt

IMG_0022Það kom mér á óvart hvað þessi þeytingur er líkur jógúrti á bragðið svo ég kalla hann jógúrt. En ólíkt jógúrtinu sem við fáum útí búð er hráefnið ferskt og hér er enginn viðbættur sykur. Ég borða þetta núna í morgunmat í hverri viku. Lesa meira