Kúskúsréttir eru bæði góðir sem aðalréttir og sem meðlæti og sóma sér vel á hlaðborði. Við borðum réttinn með spínati og sólskinssósu. Uppskriftin er úr einni af uppáhalds bókunum mínum The Kind Diet eftir Aliciu Silverstone. Alicia segir skemmtilega frá og útskýrir hvernig hún sjálf gerðist vegan. Bókin er stútfull af fróðleik um næringu og heilsu. Skammturinn er fyrir um sex manns.
Pastasalat er frábært í brunch og nesti. Það má í rauninni nota hvað sem er í pastasalat en þessi blanda er í uppáhaldi. Mér finnast sólþurrkaðir tómatar, ólífur og baunir alveg ómissandi. Ef þið saknið þess að hafa pepperoni eða skinku í salatinu má notast við Tofurkey álegg.
Þegar ég ákvað skipta yfir í vegan eldamennsku saknaði ég spaghettis með kjötsósu. Þessi spaghettiréttur kemur algerlega í staðinn fyrir gömlu feitu kjötuppskriftina mína. Í stað linsubauna má nota steikt soyahakk, ég hef prufað td. Tofurky hakk frá Góðri heilsu og fannst það mjög gott. Lesa meira
Þessi réttur er ótrúlega einfaldur, fljótlegur og bragðgóður. Það er svo gott að geta dregið hann fram úr skápunum þegar gleymst hefur að versla í matinn. Ég á alltaf núðlupakka, frosið grænmeti og viðeigandi sósur í skápunum til að bjarga okkur fyrir horn á annríkum dögum. Eldunartíminn er undir 10 mínútum svo það er ekki verra. Uppskriftin er frá Happy Herbivore. Lesa meira
