Heilsa

Ástæður þess að fólk ákveður að forðast dýraafurðir eru margvíslegar. Sumir vilja viðhalda sem bestri heilsu og telja vegan fæði vera það besta sem þú getur boðið líkamanum uppá. Ólíkt því sem einhverjir kynnu að halda þá hafa flestar grænmetisætur mikinn áhuga á næringarfræði og hafa kynnt sér mataræðið vel, bæði kosti þess og galla. Vegan fæði inniheldur engar dýraafurðir og samanstendur af baunum, korni, ávöxtum, berjum, grænmeti, hnetum, fræjum og sjávarplöntum. Það inniheldur sáralitla harða fitu og ekkert kólesteról.

Vegan heilfæði
Er dýraafurðalaust mataræði sem inniheldur sáralitlar unnar matvörur. Vinsældir vegan heilfæðis eru að aukast þétt, það sést vel á úrvali heilsufæðis í dag. Heimildarmyndin Forks Over Knives (2011) segir frá því hvernig vegan heilfæði getur komið í veg fyrir helstu lífstílssjúkdóma og átt þátt í að lækna þá. Dr. T. Colin Campbell, lífefnafræðingur mælir með að forðast allar dýraafurðir og tengir neyslu dýrapróteina við krabbamein og beinþynningu. Hann er einn af höfundum bókarinnar The China Study sem byggð er á víðamikilli rannsókn sem framkvæmd var af Oxford háskóla og Cornell háskóla yfir 20 ára tímabil.  Dr. Caldwell Esselstyn segir dýraafurðir valda hjartasjúkdómum og hefur náð góðum árangri í að lækna alvarlega hjartasjúkdóma með mataræði. Dr. Joel Fuhrman, heimilislæknir og höfundur bókarinnar Eat To Live mælir með því sama. Hann leggur áherslu á þær fæðutegundir sem eru stútfullar af næringarefnum per hverja hitaeiningu. Plöntufæði uppfyllir þessi skilyrði og inniheldur að auki mettandi trefjar.  Aðrir lærifeður veganisma í heilsuskyni eru til dæmis Dr. Dean Ornish (heilsuráðgjafi Bill Clintons), Dr. Neal Barnard, og Dr. John A. McDougall.

Mjólk
Harward háskóli hefur tekið kúamjólkina úr fæðupýramídanum sínum og bendir á að kúamjólk sé ekki endilega besti kalkgjafinn. Við fáum líka kalk úr plöntufæði eins og grænu laufgrænmeti, baunum, hnetum og fræjum. Mjólk hefur verið tengd við aukna hættu á brjóstakrabbameini, blöðruhálskrabba og beinþynningu. Nýleg rannsókn sýnir að mjólk hefur lítil varnaráhrif gegn beinþynningu en geti tvöfaldað hættuna á ótímabærum dauða. Rannsóknin fylgdist með um 61.000 konum og 45.000 körlum. Hvað varðar konurnar þá reyndist mjólkurneysla tengjast aukinni hættu á beinbrotum. Maðurinn er eina dýrið sem neytir mjólkur frá annarri dýrategund. Hann er líka eina dýrið sem neytir mjólkur eftir frumbernsku. Mjólk er hönnuð til að næra ungbarn eða kálf sem þarf að komast á legg og tvöfalda þyngd sína á sem allra stystum tíma. Hér má sjá samantekt úr 400 rannsóknum um efnið.

Kjöt
Maðurinn þarf ekki á kjöti að halda til að viðhalda góðri heilsu. Plöntufæði inniheldur meira nóg af gæðapróteinum. Prufið endilega að spyrja heimilislækninn ykkar að þessu í næstu heimsókn. Öll næringarefni sem fást úr dýraafurðum er hægt að fá úr vegan fæði og sólarljósi. Eina bætiefnið sem mælt er með að allir taki er B12 vítamín. Ástæðan er sú að í dag er erfiðara að fá B12 úr fæðunni en áður. B12 kemur úr jarðveginum og fæðan sem við kaupum í búðum í dag er yfirleitt vel skoluð og enginn jarðvegur fylgir.

Mikilvægi matarins
Íslendingar hafa aukið ávaxta-, grænmetis- og heilkornaneyslu til muna undanfarin ár en samt sem áður höfum við ekki enn náð markmiðum Lýðheilsustofnunar. Flest gætum við bætt okkur. Lýðheilsustöð mælir með því að forðast unnar kjötvörur og að takmarka neyslu rauðs kjöts. Vegan fæði inniheldur hvorugt. Helstu dánarorsakir Íslendinga eru hjarta- og heilaæðasjúkdómar. Þar á eftir koma ýmis krabbamein og öndunarfæraskjúkdómar. Mikið af þessum sjúkdómum eru lífstílstengdir og tengdir ofþyngd eða offitu. Hollt mataræði og hreyfing er því það mikilvægasta sem við getum gefið okkar nánustu.

Yfirlýsing frá næringarfræðingum í USA
„Það er afstaða Samtaka bandarískra næringarfræðinga að vel skipulagt grænmetisfæði, þar á meðal vegan fæði, er heilsusamlegt, inniheldur nóga næringu og getur nýst sem forvörn og meðferð vissra sjúkdóma. Vel skipulagt grænmetisfæði er viðeigandi fyrir einstaklinga á hvaða lífskeiði sem er, að meðtaldri meðgöngu, brjóstagjöf, ungbarnastigi, bernsku og unglingsárum og einnig fyrir íþróttafólk. Grænmetisfæði er skilgreint sem fæði sem inniheldur ekkert kjöt (þar á meðal fuglakjöt) eða fisk, eða vörur sem innihalda slíkt.“  Skýrsluna þeirra má lesa hér.






Auglýsingar

Færðu inn athugasemd

Skráðu umbeðnar upplýsingar að neðan eða smelltu á smámynd til að skrá þig inn:

WordPress.com Logo

You are commenting using your WordPress.com account. Log Out / Breyta )

Twitter picture

You are commenting using your Twitter account. Log Out / Breyta )

Facebook photo

You are commenting using your Facebook account. Log Out / Breyta )

Google+ photo

You are commenting using your Google+ account. Log Out / Breyta )

Tengist við %s